Павлодар облысының бас санитар дәрігері өнеркәсіп кәсіпорындарының вакцина алмаған қызметкерлерін штаттық жұмысқа жібермеу туралы қаулы шығарды, деп хабарлайды ҚазАқпарат.
«Өнеркәсіп кәсіпорындарының COVID-19-ға қарсы вакцина алмаған жұмыскерлерін күндізгі режимде жұмысқа жіберу шектелсін. Бұл ретте ұйымдарың екпе алмаған қызметкерлеріне 7 күнде бір рет ПТР-тесті тапсыруға міндеттелсін», - деп жазылған қаулы мәтінінде.
Өңірлік бас санитардың мұндай шешім қабылдауы ҚР бас санитар дәрігерінің №38 қаулысына сәйкес келеді.
«Осы қаулының 1-тармағының 1) тармақшасына енгізілмеген ұйымдардың/объектілердің COVID-19-ға қарсы вакцина алмаған жұмыскерлерін күндізгі режимде жұмысқа жіберуді шектеу туралы шешімді қалыптасқан эпидемиологиялық жағдайға байланысты өңірлік жедел штабтар қабылдайды», - деп жазылған ол қаулыда.
660 рет оқылды
