Фото: ашық дереккөз
2024 жылдың наурыз-қыркүйек аралығында күдіктілер «TAKORP» қаржы пирамидасын басқарғаны анықталды, олар АҚШ-тағы жарнамалық қосымшалар платформасы ретінде қызмет еткен, деп хабарлайды Ult.kz.
Қаржылық мониторинг агенттігінің мәліметінше, қатысушыларды тіркеу үшін электрондық крипто биржа «ОКХ» арқылы криптовалюта сатып алуды ұсынған.
Негізгі шартының бірі - кемінде 5 жаңа салымшы тарту болған.
50-ден астам азамат 30-дан 500 АҚШ долларына дейін ақша салып, 2 мың АҚШ долларына дейін бонус алуды көздеген. Қылмыстық кірістің жалпы сомасы 50 млн теңгеден астам.
«Күдіктілер салымшылардың қаражатына Павлодардан 10 млн теңгеге пәтер сатып алып, банктерден 8 млн теңге сомасына 4 депозит ашқан. Сот санкциясымен жылжымайтын мүлікке және ақша қаражаттарына тыйым салынды», - делінген ақпаратта.
Күдіктілерге қатысты «үй қамақ» және «елден кетпеу туралы қолхат» түрінде шара қабылданды.
351 рет оқылды
