Павлодарда көлік қағып кеткен79 жастағы зейнеткер көз жұмды. Жол-көлік оқиғасы Әуежай - Павлодар автожолында болды, деп хабарлайды Pavlodarnews.kz.
Облыстық полиция департаменті баспасөз қызметінің мәліметінше, 20 шілде күні сағат 08.00-де «Mitsubishi Delica» маркалы автокөлігінің жүргізушісі жолдың жиегімен келе жатқан 79 жастағы қарияны қағып кеткен.
- Салдарынан жаяу жүргінші жарақатпен ауруханаға жатқызылды. Алайда зейнеткер есін жимастан қайтыс болды, - деді департаментте.
Сол күні сағат 11.30-да Минин - Щедрин көшелерінің қиылысында «ВАЗ 21112» және «Тойота-Коррола» маркалы автокөліктерінің соқтығысуы орын алды.
«ВАЗ 21112» автокөлігінің жүргізушісі жарақат алып, ауруханаға жеткізілді. Сараптама тағайындалып, барлық фактілер бойынша тексеру жүргізілуде.
857 рет оқылды
