Павлодар облысында төрт жасар бала көлік доңғалағының астына түсіп, ажал құшты, деп хабарлайды Pavlodarnews.kz.
Облыстың Полиция департаменті баспасөз қызметінің мәліметінше, 28 маусым күні сағат 17:30-да Ақсу ауылдық аймағының Береке ауылында «ВАЗ 2106» маркалы автокөлігінің 21 жастағы жүргізушісі жол бойына жүгіріп шыққан 2017 жылы туған қызды қағып кеткен.
«Жол-көлік оқиғасы салдарынан бүлдіршін алған дене жарақатынан оқиға орнында көз жұмды», - деді Полиция департаменті бастығының бірінші орынбасары Жасқайрат Қайыров.
Оның айтуынша, жүргізушіге қатысты ҚР Қылмыстық кодексінің 345-бабы 3-бөлігі бойынша сотқа дейінгі тергеу басталды. Ол уақытша ұстау изоляторына қамалды.
777 рет оқылды
