Фото: © pixabay.com/rastaemmler
Зардап шеккен 40-тан аса адам полицияға барып, туристік фирмаға шағым түсірген. Олардың жалпы шығыны 100 млн теңгеге бағаланып отыр, - деп хабарлайды Tengritravel.kz тілшісі ustinka.kz сайтына сілтеме жасап.
Полицияға жүгінгендердің арасында бұрын осы туристік фирманың қызметтерін пайдаланғандармен қоса, бірінші рет шетелге саяхаттайын деп отырғандары да бар. Мәселен, Шығыс Қазақстан облысының жас футболшылары көктемде Түркиядағы халықаралық турнирге қатысуы керек еді. Енді олардың додаға баруы екіталай.
ШҚО полиция департаменті баспасөз қызметінің мәліметінше, сотқа дейінгі тергеу барысында турфирма иесі ұсталып, уақытша ұстау изоляторына қамалды. Қазір оқиғаның мән-жайы анықталып жатыр. Тергеу нәтижелері бойынша тиісті шешім қабылданады.
248 рет оқылды
_140_110.jpeg)
