Фото: ec-sport.kz/©Мұхит Қонаров
"Оңтүстік" өңірлік қолбасшылығының бұрынғы қолбасшысы Қайдар Қарақұлов қамаудан босатылды. Ақпаратты ІІМ Тергеу департаментінің Әскери тергеу басқармасы растады, - деп хабарлайды Tengrinews.kz.
"Қамауға алу түріндегі бұлтартпау шарасының қажеттілігі болмауына байланысты Бас прокурордың көмекшісі Қарақұловты уақытша ұстау изоляторынан босатты", - делінген хабарламада.
Соталды тергеу жалғасып жатыр.
Бұған дейін "Оңтүстік" өңірлік қолбасшылығының бұрынғы қолбасшысы Жамбыл облысындағы өрт пен жарылыс дерегі бойынша қылмыстық іс аясында күдікті деп танылып, уақытша ұстау изоляторына қамалғаны хабарланған болатын.
Еске салайық, 26 тамызда Байзақ ауданында 28349 әскери бөлімінің аумағында өрт пен жарылыс болып, 17 адам қаза тапты. Бір адам хабар-ошарсыз кетті. Қаза болғандардың арасында төтенше жағдайлар департаментінің, прокуратура қызметкерлері мен әскери қызметшілер бар.
721 рет оқылды
