Елордалық өрт сөндірушілер от шарпыған ғимараттан 4 адамды құтқарды, деп хабарлайды ҚазАқпарат.
Қалалық төтенше жағдайлар департаменті таратқан мәліметке сенсек, 9 желтоқсан күні сағат 18:14 шамасында елордалық өрт сөндіру қызметінің «101» пультіне Алматы ауданы Бұқтырма, 38 мекенжайында орналасқан 3 қабатты қонақ үй кешенінде өрт шыққаны туралы хабар түскен.
Тілсіз жау кешеннің жертөлесінде орналасқан саунадан шыққан.
Өрт сөндіру барысында құтқарушылардың үйлесімді әрі жедел жұмысының арқасында 4 адам, оның ішінде 3 бала құтқарылып, 7 адам эвакуацияланды.
Жалын шарпыған аумақ 80 шаршы метрді құраған.
Өрттің себептері анықталып жатыр.
Бұл жұмысқа елордалық ТЖД 6 техникасы мен жеке құрамынан 27 адам жұмылдырылған.
746 рет оқылды
