07 нау, 2021 сағат 11:24

МКК Қазақстан-Ресей шекарасындағы ұзынсонар көлік тізбегі жайлы түсінік берді

«Сырым» автокөлік өткізу пунктінде, сондай-ақ бейтарап жолақта (ҚР мен РФ автокөлік өткізу пункттері арасындағы қашықтық) жүк автокөлік құралдарының кептелісі жоқ, деп хабарлады ҚР ҚМ Мемлекеттік кірістер комитетінің баспасөз қызметі.

Кептеліс Ресей Федерациясы тарапынан «Маштаково» автокөлік өткізу пунктіне дейін пайда болды. Қолда бар ақпаратқа сәйкес, кептелістің ұзындығы шамамен 7 шақырымды құрайды.

«Сырым» автокөлік өткізу пунктіне келген жүргізушілердің айтуынша, кептеліске ауа-райының қолайсыздығы және «Маштаково» автокөлік өткізу пунктіндегі жол төсемінің нашарлығы себеп болған.

«Сырым» автокөлік өткізу пунктінде 300 жүк автокөлік құралының кептелісі туралы ақпарат расталмаған және шындыққа сәйкес келмейді.

Бұл ақпаратты Батыс Қазақстан облысы бойынша Сыбайлас жемқорлыққа қарсы стратегияны сыртқы талдау және бағалау арнайы мониторингтік тобы басшысының орынбасары Б.Лаврентьев айтты.

«Мемлекеттік кірістер органдарының лауазымды адамдары «Сырым» автокөлік өткізу пунктінде өз қызметін күшейтілген режимде жүзеге асыруда, Қазақстан Республикасы тарапынан автокөлік құралдарының кептелісі жоқ», - деп толықтырды Мемлекеттік кірістер комитетінен.