Ресей мен Украинаның Сыртқы істер министрлері Сергей Лавров пен Дмитрий Кулеба 10 наурызда Анталияда кездеседі. Бұл туралы Түркияның Сыртқы істер министрі Мевлют Чавушоглу айтты, деп хабарлады ulusmedia.kz сайты rbc агенттігіне сілтеме жасап.
Чавушоглудың айтуынша, ол өзі Мәскеу мен Киевтің өтініші бойынша келіссөздерге қатысады.
Ресей СІМ-нің ресми өкілі Мария Захарова өзінің Telegram каналында Анталия дипломатиялық форумы алаңында Лавров пен Кулебаның байланысы туралы келісімді растады.
Түркия министрі бастама Владимир Путинмен телефон арқылы сөйлескен президент Режеп Ердоғанға тиесілі екенін атап өтті. Лавров та, Кулеба да келіссөз жүргізуге келісті.
«Біз бұл кездесуді өткіземіз және оң бетбұрыс болады деп үміттенемін», - деді Чавушоглу.
840 рет оқылды
