Қытайда өршіген метапневмовирус штамы Қазақстанда да табылып жатыр

Фото:news.myseldon.com

Министрлік мәліметінше, елімізде анықталған метапневмовирус жұқтыру үлесі бар болғаны 1,6%-ды құрайды, яғни жағдай бақылауда.

"Адам метапневмовирусы - көптеген елде ондаған жылдар бойы таралған классикалық вирустардың бірі. Бұл вирустың штамдары Қазақстанда ЖРВИ және тұмау ауруларының маусымдық өсуі кезеңінде кеңістікте белсенді айналымда болатын инфекциялардың басқа түрлерімен қатар анықталды", - делінген ведомство хабарламасында. 

Эпидемиялық маусым басталғаннан бері Қазақстанда тұмауға жатпайтын вирустардың 8 360 үлгісі зерттеліп, аурудың таралуына жан-жақты талдау жасалуда.

Оның ішінде оң 1866 (22 пайыз), оның ішінде паратұмау – 178 (9,5 пайыз), РС вирусы – 433 (23,2 пайыз), метапневмовирус – 30 (1,6 пайыз), риновирус – 680 (36,4пайыз), бокавирус – 113 (6,1пайыз), аденовирус – 226 (12,1 пайыз), коронавирус – 206 (11,1 пайыз).

"Метапневмовирус негізінен ауа тамшылары арқылы және аз жағдайда тұрмыстық байланыс арқылы жұғады.
Инфекцияның негізгі белгілері – жөтел, мұрыннан су ағу, ентігу, тырысу, бас ауруы. Нақты ем жоқ, симптоматикалық емдеу қолданылады. Қазіргі уақытта Қазақстанда бүкіл әлемдегідей ЖРВИ және тұмаумен сырқаттанушылықтың маусымдық өсуі тіркеліп отыр", - дейді Денсаулық сақтау министрлігі өкілдері. 

Эпидемиологиялық маусымның басынан бастап, елімізде 2024 жылғы 1 қазанынан бастап республикада ЖРВИ-дің 2 002 335 жағдайы және зертханалық расталған тұмаудың 941 жағдайы, оның ішінде А(H1N1) типті тұмаудың 910 жағдайы, А(H3N2)-1 жағдайы, В тұмауының 30 тіркелді. 

Сонымен қатар, министрлік тұрғындарды маусымдық инфекциялардың алдын алу шараларын сақтауға шақырады:  
- Қолды жиі жуу және жеке гигиена ережелерін сақтау;  
- Жабық және адамдар көп жиналатын жерлерде маска тағу;  
- Иммунитетті күшейту үшін дұрыс тамақтанып, дене белсенділігін арттыру.  
Егер ауру белгілері байқалса, дереу дәрігерге жүгіну ұсынылады.

Бөлісу:

490 рет оқылды