15 желтоқсанда Қазақстан Республикасының аумағына Израиль, Ұлыбритания, Германия, Франция, Оңтүстік Корея, Мальдив Республикасы, Мысыр, Түркия, БАӘ, Ресей, Қырғызстан және Өзбекстаннан 13 халықаралық әуе рейсі келіп қонды. Бұл туралы ҚР ДСМ Санитариялық-эпидемиологиялық бақылау комитетінің баспасөз қызметі хабарлады.
13 халықаралық әуе рейсімен Қазақстанға барлығы 1 612 жолаушы ұшып келген. Олардың ішінде ПТР-тестілеудің теріс нәтижесі бар анықтамамен 1 465 адам, анықтамасыз 147 адам (ҚР азаматтары) келген. Атап айтқанда, Алматы қаласының әуежайына 10 рейспен 1 348 жолаушы (анықтамамен - 1 209, анықтамасыз – 139), Нұр-Сұлтан қаласының әуежайына 3 рейспен 264 жолаушы (анықтамамен - 256; анықтамасыз – 8) келген.
«Анықтамасыз келген Қазақстан азаматтары келген жері бойынша COVID-19-ға ПТР-талдау әдісімен тестілеуден өтті. Карантиндік стационарларда өз нәтижелерін күтіп жатыр. Бір күн бұрын, 2020 жылдың 14 желтоқсанында анықтамасыз келген 81 адамның ПТР-талдау нәтижелері бойынша Ыстанбұл – Алматы рейсімен ұшып келген Қазақстанның 2 азаматынан коронавирус инфекциясы анықталды», - делінген хабарламада.
Сонымен қатар, Түркиядан ұшып келген Шри-Ланка мен Қырғызстан азаматтарында коронавирусқа тест анықтамаларының мерзімі өтуіне байланысты Алматы қаласының әуежайынан депортацияланды.
