Қорғаныс министрі, Төтенше жағдайлар министрі және қорғаныс ведомствосының комиссиясы мінген ұшақ Жамбыл облысына ұшып келді, деп хабарлайды "Ұлт ақпарат" Қорғаныс министрлігінің баспасөз қызметіне сілтеме жасап.
Лауазымды тұлғалар оқиға орнына шықты.
Инженерлік оқ-дәрілердің жанып жатқанын өрттің динамикасынан байқауға болады.
Қоймада жалғасып жатқан өрт сол жерде сақталған тротилдың жануынан туындауы мүмкін.
Аспандағы түтін іздері қоймада сақталған сигналдық патрондардың өртенуіне байланысты болуы да ықтимал.
«Арыс қаласындағы өрт салдарын жойғаннан кейін аталған қоймаға инженерлік оқ-дәрілердің бір бөлігі апарылғанын айта кеткен жөн. Бұл қоймада алысқа ұшып жарылатын снарядтар жоқ», - делінген Қорғаныс ведомствосының хабарламасында.
921 рет оқылды
