11 қаз, 2022 сағат 17:42

Хайрулла Ғабжалилов президенттікке кандидат ретінде ұсынылды

Хайрулла Ғабжалилов кезектен тыс президенттік сайлауға кандидат ретінде тіркеу үшін Орталық сайлау комиссиясына құжаттарын тапсырды, - деп хабарлайды "Ұлт ақпарат" ОСК баспасөз қызметіне сілтеме жасап.

"11 қазанда Қазақстан Республикасының Орталық сайлау комиссиясына «Қазақстан Республикасындағы сайлау туралы» Қазақстан Республикасы Конституциялық Заңының 54 және 55-баптарына, сондай-ақ «Қазақстан Республикасы Президентінің 2022 жылғы 20 қарашаға тағайындалған кезектен тыс сайлауы бойынша сайлау құжаттарының нысандарын белгілеу туралы» Қазақстан Республикасы Орталық сайлау комиссиясының 2022 жылғы 23 қыркүйектегі № 67/545 қаулысына сәйкес Хайролла Мағауияұлы Ғабжалиловтің «Оралмандардың «Асар» бірлестігі» республикалық қоғамдық бірлестігінен Қазақстан Республикасының Президенттігіне кандидат болып ұсынылғаны туралы келесі құжаттары ұсынылды:

1. «Оралмандардың «Асар» бірлестігі» республикалық қоғамдық бірлестігінің жоғары органы отырысының Қазақстан Республикасының Президенттігіне кандидат болып ұсыну туралы хаттамасынан үзінді;

2. Х.М. Ғабжалиловтің Қазақстан Республикасының Президенттігіне кандидат болуға келісімі туралы өмірбаяндық деректері қоса берілген өтініші;

3. Қазақстан Республикасы Орталық сайлау комиссиясының шотына сайлау жарнасының енгізілгенін куәландыратын құжат;

4. Жеке басын куәландыратын құжаттың көшірмесі;

5. Жоғары білімі туралы дипломының көшірмесі" - делінген хабарламада.

Ашық ақпарат көздеріне сүйенсек, Хайрулла Ғабжалилов 90-жылдары Қазақстанның ұлттық валютасы – теңгені жасаған дизайнерлер тобының құрамында жұмыс істеген.