Саяси бақылаушы Никита Шаталов ҰҚШҰ миссиясының Арменияға жөнелтілуіне түсініктеме беріп, Қазақстандағы қаңтар оқиғасы мен армян-әзербайжан қақтығысын салыстырмауға шақырды, - деп хабарлайды Tengrinews.kz.
"ҰҚШҰ Ұжымдық қауіпсіздік кеңесінің кезектен тыс отырысы аяқталды. Ұйым хатшысы қақтығыс болған жерге баяндама жасауға барады. Бұл мәселеде Қазақстанның ұстанымы да айқын. Біз мәселені бірінші кезекте дипломатиялық түрде шешуіміз керек", - деді Шаталов Telegram-арнасында.
Сондай-ақ ол Армения Қазақстанмен бір экономикалық және әскери одақта болса, Әзербайжан бауырлас мемлекет екенін атап өтті.
"Қазақстанда болған қаңтар оқиғасы мен армян-әзербайжан қақтығыстарын салыстыруға келмейді," - деді Шаталов.
"Қазіргі жағдайда ҰҚШҰ соғыс емес, бітімгершілік құралы ретінде көбірек әрекет етуі керек" деді ол. Кез келген форматтағы қақтығыс жағдайды нашарлатады.
492 рет оқылды
