Фото: Pexels.com
Еліміздің су заңнамасына маңызды түзетулер енгізілмек. Бұл өзгерістер Мемлекет басшысының климаттың өзгеруі мен көршілес елдер саясатын ескере отырып, су ресурстарын қорғау және ұтымды пайдалану жөніндегі тапсырмасы аясында жасалған.
Негізгі өзгерістер:
1. Экологиялық ағын түсінігі енгізіледі — су объектілерінде қалуы тиіс су көлемі анықталады. Бұл табиғи экожүйелерді сақтау үшін маңызды қадам.
2. Суды пайдалану лимиттерін есептеу механизмі қайта қаралады. Лимит экологиялық шығыннан қалған су көлеміне негізделеді.
3. Балама су көздері қолданысқа енеді: еріген, тасқын және тазартылған сарқынды суларды жинақтау жоспарлануда.
- - Су қорғау аймақтары мен белдеулерінің ең төменгі өлшемдері белгіленеді.
- - Суды қайта пайдалану және айналма сумен жабдықтау жүйелерін 5 жыл ішінде кезең-кезеңімен енгізу талаптары қойылады.
Су қорғау шаралары:
Жаңа кодекс күшіне енгеннен кейін арнайы су пайдалану рұқсаттары тек қайта пайдалану жоспарлары болған жағдайда ғана беріледі.
Бұл шаралар елдің су әлеуетін сақтауға, экожүйелерді қорғауға және суды тиімді басқаруға бағытталған.
54 рет оқылды
