Қазақстанда тұрғын үй бағасы 2021 жылдың ақпанында өсуін жалғастырды. Бұл туралы Ұлттық статистика бюросының хабарламасында айтылған, - деп хабарлайды "Ұлт ақпарат".
«2021 жылдың қаңтарымен салыстырғанда ақпан айында абаттандырылған тұрғын үйлерді алып сату бағалары 3,1%-ға, жаңа тұрғын үйлерді сату бағалары 1,2%-ға өсті. Абаттандырылған тұрғын үйді жалға алу төлемі 1,6%-ға жоғарылады», - делінген хабарламада.
Тұрғын үй нарығындағы бағаның өзгеруіне тоқталсақ, 2021 жылдың ақпанында жаңа тұрғын үйлерді сату бағалары өткен жылдың осы айына қарағанда 8%-ға өскен. Абаттандырылған тұрғын үйлерді сатып алу бағалары 20,3%-ға көтерілсе, абаттандырылған тұрғын үйді жалға алу төлемі 10,7%-ға артқан.
Бюро ақпаратынша, 2020 жылдың желтоқсанымен салыстырғанда жаңа тұрғын үйлерді сату бағасы 2021 жылдың ақпанында 4,2%-ға өскен. Абаттандырылған тұрғын үйлерді алып сату бағасы 2020 жылы 13,2%-ға өссе, биылғы жылдың ақпанында 8,2%-ға көтерілген. Ал абаттандырылған тұрғын үйді жалға алу төлемі өткен жылмен салыстырғанда 4,4%-ға өскен.
Қазақстан бойынша жаңа үйлердің бір шаршы метрінің орташа құны - 322 968 теңге.
1147 рет оқылды
