Білім және ғылым министрі Асхат Аймағамбетов жоғары оқу орындарының ректорларымен болған кездесуде білім беру мекемелеріндегі қауіпсіздік шараларын күшейтуді тапсырды, - деп хабарлайды «Ұлт ақпарат».
Ведомство басшысы құрал-жабдықтарға түгендеу жүргізуді, жедел басқару орталығына бейнекамераларды шығаруды қамтамасыз етуді, жоғары оқу орындарында өткізу режимін күшейтуді және дағдарыстық жағдайлар туындаған жағдайда іс-қимылдарға оқыту бойынша сабақтар өткізуді тапсырды.
Сонымен қатар жиналыста студенттік жатақханаларда қауіпсіздікті күшейту бойынша қосымша шаралар туралы мәселе көтерілді.
"Қазандағы қайғылы жағдай бәрімізге мектептер мен колледждердегі қауіпсіздікті күшейту қажеттігін көрсетті. Бірақ мектептерден басқа, осындай қорқынышты жағдайлардың қайталануынан қорғайтын университеттер де бар. Студенттер, олардың оқытушылары төтенше жағдайларда өзін қалай ұстау керектігін білуі тиіс", – деп атап өтті министр Асхат Аймағамбетов.
Ол барлық жабдықты тексеруді және қажет болған жағдайда қосымша жабдықты орнатуды тапсырды.
"Қауіпсіздік шаралары неғұрлым көп қолданылатын болса, оқу жаттығулары неғұрлым жиі өткізілетін болса, біздің балаларымыз да соғұрлым қорғалатын болады", – деп атап өтті Аймағамбетов.
Бұған дейін ІІМ басшысы барлық білім беру нысандарын бейнебақылау жүйелерімен және дабыл түймелерімен қамтамасыз етуді тапсырды.
Айта кетейік, бұған дейін Қазақстанда үш айда бес университеттің ректоры ауысты. Атап айтқанда, Абай атындағы ҚазҰПУ, Қожа Ахмет Ясауи атындағы қазақ-түрік университеті, Қыздар ұлттық университеті, Сәтбаев университеті, Қозыбаев университеті басшысы ауысты. Білім және ғылым министрі Асхат Аймағамбетов кез келген саланың серпінді дамуын қамтамасыз ету үшін басқарушы элитаны үнемі жаңартып отыру қажет екенімен байланыстырды.
"Жаңа көшбасшылар – өз елін, жерін сүйетін патриоттардан құралған жас ұрпақ. Көбінің халықаралық тәжірибесі бар, олар – кәсіби ортада кеңінен танымал және маман ретінде қалыптасқан тұлғалар", деді ол.
#Мектептерде қандай шара қолданылады
Қазақстанның білім және ғылым министрі мектептердегі қауіпсіздікті бақылау күшейтілетінін айтты.
"Кеше қауіпсіздікті бақылау бойынша жиналыс өтті. Ағымдағы жағдайға талдау жүргізіп, балалардың қауіпсіздігін қамтамасыз ету бойынша барлық деңгейлерде қосымша кешенді шаралар қабылдауды тапсырдым. Бұл тек бақылау камералары, өткізу режимі, күзет дабылы, дабыл түймелері ғана емес, сонымен қатар төтенше жағдайлардағы қызметкерлер мен студенттердің мінез-құлқы және тағы басқалар. Көп нәрсе нақты және пысықталған әрекеттерге байланысты", - деп жазды Білім министрлігінің басшысы.
Министр білім беру ұйымдарын аттестаттау ережелерінің жобасында балалардың қауіпсіздігін қамтамасыз ету бойынша жаңа шаралар көзделгенін атап өтті. Бұл практика мектептерді халықаралық аккредиттеу кезінде табысты пайдаланылады.
Аймағамбетов психологиялық қызметтердің жұмысына ерекше назар аударуды талап етеді.
Естеріңізге сала кетейік, Білім және ғылым министрі Асхат Аймағамбетов жоғары оқу орындарының ректорларымен болған кездесуде білім беру мекемелеріндегі қауіпсіздік шараларын күшейтуді тапсырды.
Ведомство басшысы құрал-жабдықтарға түгендеу жүргізуді, жедел басқару орталығына бейнекамераларды шығаруды қамтамасыз етуді, жоғары оқу орындарында өткізу режимін күшейтуді және дағдарыстық жағдайлар туындаған жағдайда іс-қимылдарға оқыту бойынша сабақтар өткізуді тапсырды.
Сонымен қатар жиналыста студенттік жатақханаларда қауіпсіздікті күшейту бойынша қосымша шаралар туралы мәселе көтерілді.
1035 рет оқылды
