Қазақстанда 18 сәуір күні 2719 адамнан коронавирус анықталды. Барлығының ПТР-тесті оң шыққан. Денсаулық сақтау министрлігі коронавирус пневмониясы мен адам өлімі бойынша екі күн бұрынғы мәліметті жариялап келеді. 17 сәуірде 35 адамға коронавирус пневмониясы диагнозы қойылған, 23 адам өлімі тіркелген: 22 адам – коронавирустан, 1 адам коронавирус пневмониясынан қайтыс болды деп айтылады.
Өткен тәулікте Алматы қаласында - 665, Нұр-Сұлтан қаласында - 436, Алматы облысында – 251, Қарағанды облысында – 220, Ақтөбе облысында – 206, Батыс Қазақстан облысында – 205, Шымкентте – 114, Атырау облысында – 110, Ақмола облысында – 98, Шығыс Қазақстан облысында – 85, Маңғыстау облысында – 80, Түркістан облысында – 53, Павлодар облысында – 50, Жамбыл облысында – 46, Солтүстік Қазақстан облысында - 35, Қызылорда облысында – 35, Қостанай облысында 30 науқас анықталған.
Коронавирустан бір күнде 1773 адам емделіп шыққан.
Елде коронавирус жұқтырғаны расталғандардың жалпы саны 289 мыңнан асып отыр. 248 мыңнан астамы жазылып үлгерген.
19 сәуірдегі мәлімет бойынша, 38 620 адам короновирус инфекциясынан (38 218 КВИ+ және 402 КВИ-) емделіп жатыр. Олардың ішінде 14 147 пациент стационарда, 24 473 науқас амбулаториялық деңгейде емделіп жүр.
КВИ+, КВИ- шалдыққандардың арасында:
• 674 адамның жағдайы ауыр;
• 176 пациенттің жағдайы өте ауыр;
• 99 науқас ӨЖЖ аппаратында жатыр.
Денсаулық сақтау министрлігі 1 тамыздан бастап Covid жұқтырғаны ПТР әдісімен расталмаған, бірақ ауру белгілері бойынша соған ұқсайтын коронавирус пневмониясының есебін жүргізіп келеді. 1 тамыз бен 15 сәуір аралығында пневмонияның бұл түрімен барлығы 51 879 адам тіркелген. Оның 751-і қайтыс болып, 50 726 адам сауығып шыққан.
17 сәуірдегі мәлімет бойынша COVID-19 белгілері бар пневмониямен 35 жаңа сырқаттанушы тіркелді, 1 жағдай өліммен аяқталған. 87 адам жазылып шыққан.
Елде 695 мыңнан астам адамға коронавирусқа қарсы екпенің бір дозасы салынған, 118 мыңнан астамы екі дозасын алған. Мамандар халықтың кемінде 60 пайыздан астамына вакцинаның екі дозасы егілген кезде ұжымдық иммунитет қалыптасуы мүмкін екенін айтқан.
584 рет оқылды
