Фото: әлеуметтік желілер
Атырау қаласының әкімшілік құқық бұзушылықтар жөніндегі мамандандырылған сотында ұсақ бұзақылық бойынша үш азаматқа қатысты іс қаралды, деп хабарлайды Ult.kz.
Сот анықтағандай, 23 наурыз күні азаматшалар Н., А. және кәмелетке толмаған Х. қаладағы мұз айдыны ғимаратында Қазақстан Республикасының туына араб тіліндегі жазу қосып, онымен суретке түсіп, кейін әлеуметтік желіде таратқан.
Сот оларды ӘҚБтК-нің 434-бабының 1-бөлігі бойынша кінәлі деп танып, келесідей жаза тағайындады:
🔹 Н. – кәмелетке толмаған адамды әкімшілік құқық бұзушылыққа тартқаны және бұзақылықты адамдар тобымен жасағаны үшін 15 тәулікке қамалды.
🔹 А. – 78 640 теңге айыппұл төлеуге міндеттелді.
🔹 Кәмелетке толмаған Х.-ның заңды өкіліне 39 320 теңге айыппұл салынды.
Сот қаулылары әзірге заңды күшіне енген жоқ.
176 рет оқылды
