#
#
Бейсенбі 06/08/2020

Қазақстан Президентінің баспасөз хатшысынан коронавирус анықталды

  • 06.06.2020
  • 0
  • 280

ҚР Президентінің баспасөз хатшысы Берік Уәлиден коронавирус анықталды. Бұл туралы ол Facebook-тегі парақшасында хабарлады.

«Ардақты ағайын! Өкінішке қарай, бүгін аса бір жайсыз жаңалықты жариялайын деп отырмын. Әлемді айналып, елімізді шарлап кеткен коронавирус індеті менен де табылды. Кеше тапсырған тест қорытындысы оң нәтиже берді. Қазір ауруханада, дәрігерлердің қарауында жатырмын. Жағдайым бір қалыпты. Аса алаңдайтындай емес. Ем қабылдаудамын» деп жазды ол.

Сондай-ақ, ҚР Президентінің баспасөз хатшысы Президент белгіленген кестеге сәйкес жұмыс істеп жатқанын атап өтті. Мемлекет басшысының денсаулығына ешқандай қауіп төніп тұрмағанын, Қасым-Жомарт Кемелұлы үнемі тест тапсырып, қорытындысын алып отырғанын мәлімдеді. Ақордада санитарлық режим күшейтіліп, қауіпсіздік шаралары қатайтылғаны туралы айтты.

«Осы індет басталғалы барлығымыз дабыл қағып, сақтануға, дертті жұқтырмаудың жолдарын қарастыруға шақырып келеміз. Бірақ пандемияға сенбейтін, ауруды жоқ деушілер азаймай тұр. Ондайда «Ауырған адамды көрсетіңдерші«, «Менің танысымның бірде-бірі ауырған жоқ. Сонда онымен кім ауырып жатыр?», «Ауырған адамдардың аттарын неге атамайды?« деген сияқты пікірлерді жиі еститінбіз. Міне, мен дерт жұқтырдым, оны жасырмай жариялап отырмын. Мұндағы мақсат алаңсыз жүрген азаматтар ойлансын, сенбей жүрген кісілердің көзі жетсін дегенім. Ауру бар. Оны жұқтырушылардың саны күн сайын артып жатыр. Қанша жерден сақтық шараларын қатаң сақтап жүрсек те, біз де жұқтырдық. Енді емделу керек» деп жазды ол.

Сөз соңында Берік Уәли жұртшылықты сақтыққа шақырды: «Баршаңызды өздеріңіздің және жақындарыңыздың денсаулығын сақтау үшін карантин режимі мен профилактикалық шараларды ұстануға шақырамын. Пандемияға жеңіл-желпі қарауға болмайды

Сондай-ақ Берік Уәли Instagram парақшасында медициналық зерттеу фотосын жариялады.

Посмотреть эту публикацию в Instagram

Дорогие друзья! К сожалению, должен сообщить о том, что мой последний тест на коронавирус показал положительный результат, несмотря на все меры предосторожности. В настоящее время я нахожусь в больнице под наблюдением врачей. Состояние удовлетворительное. Сразу хочу заявить, что Президент К.К. Токаев продолжает работу в соответствии с графиком, его здоровью ничто не угрожает. Глава государства регулярно проходит тестирование. В Акорде усилен санитарный режим, ужесточены меры безопасности. Призываю всех строго соблюдать режим карантина и профилактические меры ради собственного здоровья и благополучия ваших родных и близких. Нельзя легкомысленно относиться к пандемии. Берегите себя!

Публикация от Berik UALI (@berikuali)

0 пікір

Пікір қалдыру

Чтобы оставлять комментарий нужно зарегистрироваться или авторизироваться
БАННЕР

Аймақтар жаңалықтары

Басқа да мақалалар