Орталық сайлау комиссиясы төрағасының орынбасары Константин Петров Қазақстан Президенті үміткерлеріне заң қандай талаптар қойылатынын атады, - деп хабарлайды Tengrinews.kz агенттігі.
Кандидаттарға қойылатын талаптар:
- ҚР азаматы болу;
- Кейінгі 15 жылда ҚР аумағында тұруы;
- Жоғары білімінің болуы;
- Жасы 40-қа толған болуы;
- Белсенді сайлау құқығының болуы;
- Мемлекеттік қызметте немесе сайланбалы лауазымда кемінде 5 жыл жұмыс тәжірибесінің болуы;
- Мемлекеттік тілді еркін меңгеруі.
"Президенттікке кандидаттарды қолдау облыстар, республикалық маңызы бар қалалардың және Астананың кем дегенде 2/3 атынан теңдей өкілдік ететін сайлаушылар санының кем дегенде 1 пайызының қолын жинаумен куәландыруы тиіс. Қол қою парақтарын беру кандидаттың Конституция мен Конституциялық заңның талаптарына сәйкестігін анықтағаннан кейін 5 күннің ішінде жүргізіледі", - дейді Петров.
Ол бүгінде сайлау жарнасының мөлшері 3 миллион теңге екенін түсіндірді. Сайлау жарнасы кандидатқа, егер ол лауазымға сайланса, не дауыс беруге қатысқандардың барлығынан кемінде 5 пайыз алса, қайтарылады.
673 рет оқылды
