Әлеуметтік желіде мемлекет басшысы Қасым-Жомарт Тоқаев пен Алматы әкімі Ерболат Досаевқа ұқсайтын ер адамның видеосы тарап, ел назарын аударды. Желі қолданушылары ер азаматтың президентке де, сондай-ақ әкімге де ұқсастығын айтып жатыр.
Аталмыш видео Instagram желісінде пайда болған. Бейнежазбада тойда ортаға билеп шыққан ер адамның асабаны қатты таңғалдырғанын байқауға болады. Той жүргізушісі оған президент Қасым-Жомарт Тоқаевқа қатты ұқсайтынын бірден айтты. Белгілі болғандай, президенттен айнымайтын азаматтың есімі - Ерғали.
Желі қолданушыларының пікірі екіге жарылды. Бірі оның президентке ұқсайтынын айтса, бірі Ерболат Досаевқа ұқсатып жатты.
"Расымен ұқсайды екен", "Айнымайды ғой", "Туысы шығар", "Мәссаған, қандай ұқсастық", "Таңғалып тұрмын. Бір қарағанда сол кісі секілді", "Айнымаған президент", "Недеген ұқсастық десеңші", "Досаевқа да келетін тұстары бар екен", "Қасым-Жомарт Досаев", "Қатты ұқсайды", - деп жазуда көпшілік.
919 рет оқылды
