Алматыда нәжісті кәріз құдығына төккен ассенизатор жүргізушісі жазаланды, деп хабарлайды ҚазАқпарат.
Алатау ауданына қарасты «Ақбұлақ» ықшамауданының тұрғындары абаттандыру ережесінің бұзылғанына байланысты полицияға арыз түсірді.
«Тиісті тексеру жүргізілді. Нәтижесінде ассенизатор жүргізушісі – 1973 жылы туған Сембеков анықталды. Бұл әрекеті үшін ол ҚР Әкімшілік құқық бұзу кодексінің 505-бабы бойынша әкімшілік жауапқа тартылды. Оған 30 АЕК (87 510 теңге) көлемінде айыппұл салынды», - деп жазды Facebook парақшасында Алматы қалалық полиция департаменті бастығының орынбасары Рустам Әбдірахманов.
Құқық бұзушы Жарбұлақ (Казачка) өзеніне сарқын суды заңсыз ағызуды анықтау үшін өткізілген рейд кезінде ұсталды.
712 рет оқылды
