Фото: ru.baku.ws
Қарағандыда полицейлер жергілікті тұрғынға шабуыл жасады деген күдіктіні ұстады, - деп хабарлайды «Ұлт ақпарат» Қарағанды облысының Полиция департаменті баспасөз қызметіне сілтеме жасап.
Оқиға 13 сәуірде Қарағандының 15-шағынауданында болған. Онда 43 жастағы ер адам пышақ жарақатымен емдеу мекемесіне жатқызылған. Полиция қылмыстық іс қозғады.
"Жедел іздестіру шаралары барысында криминалдық полиция қызметкерлері 47 жастағы күдіктіні анықтап, ұстады", - деп хабарлады Полиция департаменті.
Ұсталған азамат уақытша ұстау изоляторына қамалды. Қазір тергеу амалдары жүргізіліп жатыр.
218 рет оқылды
