Қарағанды облысында жылыту маусымына дайындық аясында көмірмен қамтамасыз етілу мониторингі жүргізілуде. Қоймаларда жеткілікті отын қоры бар, бірақ тұтыну белсенділігі әзірге жоғары емес. Билік өкілдері тұрғындарды қатты отынды дер кезінде сатып алуға шақырады, деп хабарлайды "Ұлт ақпарат".
Энергетика және Тұрғын үй коммуналдық шаруашылық басқармасының ақпаратына сәйкес, облыс бойынша алдағы жылыту маусымына көмір қажеттілігі 1 700 мың тоннаны құрайды. Бұның басым бөлігі жеке тұтынушыларға тиесілі. Сонымен қатар, халық әзірше 33 мың тоннадан сәл артық, яғни жалпы қажеттіліктің шамамен 3%-ын ғана сатып алған.
Бюджеттік ұйымдар үшін көмір сатып алу басталды.
Облыс әкімі Жеңіс Қасымбек тұрғындар арасында түсіндіру жұмыстарын күшейтуді талап етті.
«Сауда нүктелерінде қорлар мен бағаларды бақылаңыздар. Адамдарға алдын ала көмір сатып алу қажеттілігін түсіндіріңіздер. Тапшылық пен кезектерге жол бермеу үшін барлық қажетті шараларды атқару қажет», - деп тапсырды облыс әкімі аппарат кеңесінде.
1004 рет оқылды
