ҚР ІІМ Қылмыстық-атқару жүйесі комитеті әлеуметтік желіде Қарағандыдағы «сотталғандар бүлігі» деген атаумен жарияланған видеоға пікір білдірді, деп хабарлайды ҚазАқпарат.
«Бүгін әлеуметтік желіде Қарағанды облысындағы колониялардың бірінде «сотталушылар бүлік» шығарып жатыр деген ақпарат пайда болды. Осыған орай ҚР ІІМ Қылмыстық-атқару жүйесі комитеті видеода Долинка елді мекеніндегі АК-159/6 мекемесі базасында Қарағанды облыстық қылмыстық-атқару жүйесі және полиция департаменттерінің , Ұлттық гвардия әскери бөлімінің арнайы тактикалық оқу-жаттығу кезіндегі кадр таспаланғанын хабарлайды. АК-159/6 мекемесіндегі ахуал тұрақты. Бұл іс-шара ағымдағы жылдың басында жоспарланған. Бекітілген жоспарға сәйкес мұндай оқу-жаттығулар жыл бойы өткізіледі», - делінген комитет ақпаратында.
1575 рет оқылды
