11 нау, 2021 сағат 09:00

Ғалымдар Еуропаға үшінші толқын қаупі төніп тұрғанын ескертті

Халық жеткілікті деңгейде екпе салдырмаса, жақын арада Еуропаға COVID-19-дың үшінші толқыны соққы беруі және күзде жаңа шектеулер енгізілуі мүмкін. Бұл туралы Роберт Кох институтының президенті, профессор Лотар Вилер мәлімдеді, - деп хабарлайды "Ұлт ақпарат" РИА Новостиге сілтеме жасап.

"Біз Еуропада сақ болуымыз керек (COVID-19 үшінші толқынының басталуынан – ред.). Басқа елдер туралы айтқым келмейді, бәріміз статистиканы көре аламыз. Германияға келсек, бізде үшінші толқын басталады. Оған нақты белгілер бар. Қоғамдық денсаулық сақтау шаралары, соның ішінде байланысты азайту және маска тағу әлі де маңызды", - деді Вилер шетелдік тілшілер қауымдастығының баспасөз мәслихатында.

Оның айтуынша, мемлекеттер бұл шараларды барынша сақтауы керек, өйткені бұл шаралар мыңдаған адамның өмірін сақтап қалуға көмектесті. Бұл жағдайда жауапкершілік адамдардың өздеріне жүктеледі.

"Германияда үшінші толқын басталғанын көріп отырмын. Бұл қатты алаңдатады. Сондықтан біз қысқа мерзімде мүмкіндігінше көп адамды вакцинациялауымыз керек, әйтпесе ауыр науқастар санын көбейтіп аламыз. Соң-соң күресу де қиындай түседі", - деді ол.

Кох институтының басшысы вакцинация нәтиже бергенін, соның ішінде Германиядағы қарт адамдар арасында ауру жұқтыру азайғанын айтты.

Алайда жағдайдың бақылаудан шығу және шектеу шараларын қайтару қаупі бар.

"Егер кенеттен вакцинация жасалмаса немесе қандай да бір себептермен адамдар жеткіліксіз болса, онда Германия мен Еуропаның басқа да елдеріндегі бақылау осы күзде оралатынына сенімдімін", - деді сарапшы.