Үкімет басшысының Өкімімен Ержан Жиенбаев ҚР Премьер-Министрі Кеңсесі басшысының орынбасары қызметіне тағайындалды, деп хабарлайды "Ұлт ақпарат" primeminister.kz сілтеме жасап.
Ержан Нұрланұлы 1981 жылы Алматы қаласында дүниеге келген.
2002–2005 жылдары ҚР Қаржы министрлігінде еңбек еткен.
2005 жылдан бастап ҚР Премьер-Министрі Кеңсесінің құрылымында жұмыс істейді. Аға сарапшы, бас сарапшы, бас кеңесші, сектор меңгерушісі, ҚР Премьер-Министрі Кеңсесінің Заң бөлімінің меңгерушісінің орынбасары қызметтерін атқарған.
2012–2013 жылдары — ҚР Премьер-Министрі Кеңсесінің Заңнама, қорғаныс және құқықтық тәртіп бөлімі меңгерушісінің орынбасары.
2013 жылдан бастап соңғы тағайындалуға шейін ҚР Премьер-Министрі Кеңсесінің Заң бөлімінің меңгерушісі қызметін атқарған.
1221 рет оқылды
