«Голос. Дети» жобасының алтыншы маусымының жүлдегері, 11 жасар қазақстандық Ержан Максимге Алла Пугачева «Алла Пугачеваның Алтын жұлдызы» сыйлығын табыс етілді, деп хабарлайды ҚазАқпарат.
Алла Пугачева кездесуге төрт финалист - Ержан Максим, Роберт Багратян, Нино Чеснер және Анастасия Иванованы шақырды. Кездесуден естеліктерді жоба тәлімгерлерінің бірі Светлана Лобода Инстаграмдағы парақшасында жариялап, Алла Пугачеваға балаларды қолдағаны үшін алғыс айтты.
«Алла Пугачеваның Алтын жұлдызы» сыйлығы - 2005 жылдан бастап жыл сайынғы жас талантты әншілерге, музыканттарға беріледі.
Естеріңізге сала кетейік, оралдық Максим Ержан көрермендердің дауыс беру нәтижесі бойынша, «Голос. Дети» жобысының финалында екінші орынды иеленген болатын. Ержан Максим Валерия Меладзе командасының атынан өнер көрсетті. Финалда қазақстандық Эрик Кармена All by Myself және Лараның Фабиан Adagio әндерін орындады.
Байқауды көрермендердің 56, 5% дауысын жинаған ресейлік танымал әнші Алсу мен бизнесмен Яна Абрамовтың қызы Микелла Абрамова жеңіп алды. Ал Ержан Максим 27,9% дауыс жинады.
Бұған дейін хабарланғандай, қазақстандық жас орындаушылар Данэлия Төлешова мен Ержан Максим бүгін Қазақстан халқы Ассамблеясының XXVII сессиясына арналған концертке қатысады.
Сонымен қатар, Ресей Муз-ТВ телеарнасының бас директоры Арман Давлетьяров «Голос. Дети» байқауының финалисі Ержан Максимді 7 маусымда Мәскеуде өтетін МУЗ-ТВ 2019 сыйлығын табыс ету рәсімінде өнер көрсетуге шақырды. Сондай-ақ онда қазақстандық әнші Димаш Құдайберген де өнер көрсетпек.
1923 рет оқылды
