24 там, 2020 сағат 12:42

Елордада құбыр жарылып, Пушкин көшесін су басты

Елордада суық су құбыры жарылып, Пушкин көшесін су басты, деп хабарлайды "Ұлт ақпарат".

«Астана су арнасы» мекемесінің мәліметінше, бүгін сағат 12-30-да «ҚазГерҚұрылыс» ЖШС мердігер компаниясы жер қазу жұмыстарын жүргізу барысында диаметрі 900 мм-лік шойын құбырды зақымдаған. Қазіргі уақытта аталған аумақта тұратын тұрғындарды басқа құбырға қосу және зақымданған құбырды жөндеу жұмыстары жүргізіліп жатыр. 

«Су жеткізу ұйымдастырылды. Су таситын көліктің қай жерде тұрғанын 76-76-76 нөмірі арқылы анықтауға болады. Уақытша қолайсыздық үшін кешірім сұраймыз», - деді баспасөз қызметінен. 

Қазіргі уақытта Еуразия ұлттық университеті мен Отырар кітапханасы аралығындағы жолдың бойы жиек тастардың бойымен бірдей су басқан. Адамдар жолдан арлы-берлі аяқ киімдерін шешіп тастап өтуге мәжбүр.