11 нау, 2025 сағат 13:09

Елімізде ауа райы нашарлады: ШҚО-да қарлы боран салдарынан жол қозғалысы тоқтады

Қарлы боран салдарынан көріну қашықтығы күрт төмендеп, желдің күшеюі Шығыс Қазақстан облысындағы негізгі тасжолдарда үлкен қиындықтар туғызды, деп хабарлайды Ult.kz.

Полиция Өскемен — Алтай, Өскемен — Алматы, Өскемен — Самар және Өскемен — Шемонаиха бағыттарында күрделі жағдайға тап болған 300-ден астам көлік жүргізушілеріне көмектесті.

"Патрульдік полиция батальоны жолдарды тәулік бойы патрульдеуді ұйымдастырып, 250-ден астам көлікті қауіпсіз жерге жеткізді. Сондай-ақ жүргізушілер мен жолаушылардың жайлылығы үшін полиция қызметкерлері ыстық шай мен тамақ таратып, ораза ұстаған азаматтарға арнайы азық-түлік пакеттері дайындады", - делінген хабарламада.