Фото: Pexels.com
Экология және табиғи ресурстар министрлігі Маңғыстау облысында өлі табылған итбалықтардың жаппай қырылуының нақты себебін әлі күнге дейін атай алмай отыр. Министрлік жағдайды бағалау қиын екенін, себебі итбалықтардың денелері қатты ыдырағанын мәлімдеді, деп хабарлайды Ulysmedia.kz.
Ихтиологтардың айтуынша, итбалықтар Солтүстік Каспийге келіп, ықтималды ластанудың салдарынан жаппай қырылып жатқан болуы мүмкін.
Экология министрлігі қандай шаралар қолдануда?
Вице-министр Жомарт Әлиевтің айтуынша, итбалықтардың жағдайы "үнемі бақылауда" және осы мәселені зерттеу үшін облыстық комиссия құрылған. Комиссия құрамына әртүрлі мамандар енген.
"Қазіргі уақытта Маңғыстау облысының зертханалық бақылау қызметкерлері судан сынамалар алды. Комиссия құрамында ветеринарлық инспекция мен балық ресурстары комитетінің өкілдері бар. Су сапасы туралы қорытынды жасау үшін зертханалық сынақтардың нәтижелерін күтіп отырмыз," – деді ол.
Алдын ала нұсқалар жоқ
Вице-министр итбалықтардың жаппай қырылуының алдын ала себебін атаудан бас тартты. Оның айтуынша, табылған өліктердің көп бөлігі ыдыраудың соңғы кезеңдерінде болған. Кейбір итбалықтар адам әрекетінен өлген болуы мүмкін деген нұсқалар да қаралуда, бірақ нақты себептерін анықтау үшін кешенді зерттеулер қажет.
Алдын ала есеп бойынша, Маңғыстау жағалауында өлі табылған итбалықтардың саны 289-ға жеткен.
Ихтиолог Әсел Баймұқанованың пікірінше, Солтүстік Каспийге келгеннен кейін итбалықтар белгісіз себептерден өліп жатыр.
514 рет оқылды
