Павлодар облысында жолаушылар автобусы жаяу жүргіншілер жолағында 8 жасар қыз баланы қағып кетті, деп хабарлайды ҚазАқпарат pavlodarnews.kz сайтына сілтеме жасап.
Облыстық Полиция департаментінің мәліметінше, 25 қараша күні сағат 14:42-де музыкалық мектепке қарсы жолда «Вольво» маркалы №6 маршруттық автобусының 40 жастағы жүргізушісі 2013 жылы туған қыз баланы қағып кетті. Оқушы жолды реттелетін жаяу жүргіншілер жолағымен өтіп бара жатқан.
«Жол-көлік оқиғасы салдарынан кәмелетке толмаған зардап шегуші жарақаттармен ауруханаға жеткізілді», - делінген ПД хабарламасында.
Автобус арнайы айыптұрағына қойылды. Тексеру жүргізіліп жатыр.
764 рет оқылды
