Фото: pexels.com
ІІМ криминалдық полиция қызметкерлері аса ірі мөлшерде алаяқтық жасағаны үшін халықаралық іздеуде жүрген қылмыскерлерді ұстады, деп хабарлайды Polisia.kz.
Жәбірленушілерге келтірілген шығын 650 млн теңгеден асады.
Қарағанды қаласында 45 жастағы ер адам құрықталды. Ол 2018 жылдың шілдесінде өзі Ақтөбеде бола отырып, елордада жылжымайтын мүлік сатып алып беру сылтауымен 100 млн теңгені иемденген. Алматы қаласында 44 жастағы әйел ұсталды. Ол көкөністер мен жемістерді жеткізу сылтауымен азаматтарды алдап, 516 млн теңгеден астам сомасын алып қойған.
Астана қаласында 60 жастағы жергілікті тұрғын ұсталған. Ол өткен жылдың қыркүйек айында жеңілдетілген несие арқылы тұрғын үй сатып алу сылтауымен 30 млн теңге жымқырған.
Сонымен қатар Ресей Федерациясының Мәскеу қаласында 30 жастағы қазақстандық азамат құрықталған. Ол да алаяқтық жолмен ондаған миллион теңгені қалтаға басқан.
Департамент бастығы – ІІМ ресми өкілі Шыңғыс Алекешевтің айтуынша, жалпы қабылданған шаралардың нәтижесінде жыл басынан бері полиция 1360 қылмыскерді ұстап, 1000-нан астам жоғалған адамның орналасқан жерін анықтаған,
91 рет оқылды
