Батыс Қазақстан облысында тіркемесі бар трактор аударылды. Апат салдарынан қаза тапқандар бар, - деп хабарлайды "Мой город".
Жол-көлік оқиғасы Бөкейорда ауданы Сайхын ауылында болған.
"Апат салдарынан 1994 жылы туған ер адам мен 2013 жылы туған қыз қаза тапты. Іс бойынша Қылмыстық кодекстің 345-бабына ("Көлiк құралдарын басқаратын адамдардың жол жүрісі немесе көлiк құралдарын пайдалану қағидаларын бұзуы") сәйкес соталды тергеу жүргізіліп жатыр", - деді БҚО полиция департаментінің баспасөз қызметіндегілер.
БҚО денсаулық сақтау басқармасының баспасөз қызметі қоңырау 26 тамызда 22.10-да түскенін атап өтті.
"Тіркемесі бар трактор шұңқырға аударылған", - деп түсіндірді ведомство өкілдері.
1021 рет оқылды
