Фото: Pexels.com
Астанада өзін бизнес-тренер ретінде таныстырған алаяқ бірнеше азаматты сан соқтырды, деп хабарлайды Ult.kz.
Ол Instagram арқылы онлайн-сауда курстарын ұсынып, кейін тұрмыстық техниканы көтерме саудаға қаржы салуды ұсынған. Салынған қаражаттың 10%-ы көлемінде табысқа уәде еткенімен, шарттарын орындамай, ақшаны иемденіп, байланысын үзген.
Тергеу нәтижесінде оның 50 млн теңгеден астам залал келтірген 10 алаяқтық әрекеті дәлелденді. Сот үкімімен қылмыскер 5 жылға бас бостандығынан айырылды.
Прокуратура алаяқтық жасаған жағдайда мүлікті тәркілеумен қоса, 10 жылға дейінгі бас бостандығынан айыру жазасы қарастырылғанын ескертеді.
638 рет оқылды
