Алматы қаласының әкімі Бақытжан Сағынтаев Еуразиялық заң академиясының көпсалалы кешенінде болды, деп хабарлайды "Ұлт ақпарат".
Мегаполис әкімі Instagram-дағы парақшасында қаладағы жоғары оқу орындарының студент жастардың өмір сүру жағдайларын жақсарту үшін жатақханалар салып жатқанын айтты. Бұл – Елбасының «Бес әлеуметтік бастамасындағы» негізгі міндеттің бірі.
«Дінмұхамед Қонаев атындағы Еуразиялық заң академиясында ашылғалы жатқан көпсалалы кешенде болдым. 100 студентке арналған орын, оқытушыларға арналған бөлмелер, сондай-ақ тұрмысқа қажет асхана, кір жуатын орын, кітапхана, медпункт, интернет сыныптар қарастырылған», - деп жазды Б. Сағынтаев.
Соңғы екі жылда жоғары оқу орындары 1,5 мың орынға жуық 5 жатақхана салды және модернизацияланды. Биыл 1,7 мың студентке арналған тағы екі ғимараттың құрылысы басталды.
«Алматы – жастар қаласы. Сондықтан білім алып жүрген жастардың өмір сүру мен тұрмыс жағдайын жақсарту бойынша жұмыстарды жалғастыра береміз», - деп атап өтті Алматы әкімі.
746 рет оқылды
