Қырғызстанда Ақ үйден шыққан өрт жергілікті уақыт бойынша сағат 7:49-да сөндірілді, деп хабарлайды Қырғызстаның Төтенше жағдайлар министрлігіне сілтеме жасаған Kabar агенттігі.
Қырғызстанның төтенше жағдайлар министрлігі таратқан мәліметке қарағанда, оқиға орнында 7 өртке қарсы топ жұмыс істеп жатыр.
Оларды өртті сөндіру жұмыстарымен айналысуда.
Еске салайық, жексенбі, 4 қазан күні Қырғызстанда Жогорку Кенешке депутаттарды сайлау өтті. Депутаттық мандатқа 16 партия үміткерлік етті. Дауыс берудің алдын ала мәліметі бойыншы, 7% межені 4 партия еңсерді.
Ал, бүгін, 5 қазан күні сайлау нәтижесіне көңілі толмаған бір топ адам орталық алаңда митинг ұйымдастырып, одан кейін Ақ үйге беттеді. Оларды тарқату үшін милиция көз жасаурататын газ, суатқыш және газ-шуылды құрылғылар қолданған. Бішкек уақытымен сағат 22.00-дегі мәлім бойынша, ауруханаға зардап шеккен 16 адам жеткізілген.
Елдің Ішкі істер министрлігі митингті ұйымдастырушылар мен партия басшыларын өз жақтастарын үйлеріне қайтаруға шақырды.
Кейін Қырғызстан Президенті Сооронбай Жээнбеков ертең, 6 қазан күні парламенттік сайлауға қатысқан барлық 16 партия басшысымен кездесетіні мәлім етілді.
Айта кетейік, елдің Орталық сайлау комиссиясы дауыс берудің соңғы нәтижесін сайлаудан кейін 20 күннен кешіктірмей жариялауы тиіс.
614 рет оқылды
