ҚР Сыртқы істер мининстрілігі Беларусь Президенті Александр Лукашенконың Қазақстанға сапарының мақсатын айтты, деп хабарлайды ҚазАқпарат.
«24-25 қазанда Беларусь Республикасының Президенті Александр Лукашенконың Қазақстан Республикасына ресми сапары өтеді. Беларусь Президентінің сапарын өткізудің негізгі мақсаты – екі мемлекет арасындағы қатынастарды қарқынды дамыту және сауда-экономикалық ынтымақтастықты тереңдетуге баса назар аудара отырып, өзара іс-қимылдың барлық спектрі бойынша дәстүрлі достық Қазақстан-Беларусь байланыстарына қосымша серпін беру», - деді ҚР Сыртқы істер министрлігінің ресми өкілі Айбек Смадияров
Келіссөздер барысында халықаралық және өңірлік мәселелер бойынша сыртқы саяси бағыттағы өзара іс-қимыл шаралары, ингерациялық бірлестіктер мен көпжақты ұйымдардағы екі елдің қызметі, сондай-ақ Қазақстан-Беларусь ынтымақтатығын одан дамыту перспективалары талқыланады.
«Тараптар сауда-экономикалық, таранзиттік-көліктік және отын-энергетикалық ынтымақтастықты, өнеркәсіптік кооперацияны, ІТ және жоғары технологиялар саласындағы өзара іс-қимылды кеңейтудің бірлескен тәсілдерін қарастырады. Келіссөздер қорытындысы бойынша, мемлекет басшылары бірлескен мәлімдеме қабылдап, ынтымақтастықтың түрлі салаларындағы бірқатар екіжақты келісімдерге қол қояды деп күтілуде. Сонымен қатар, сапар аясында Қазақстан-Беларусь бизнес-форумы өтіп, оның барысында кәсіпкерлік қоғамдастықтың алдында тұрған перспективалар мен міндеттер талқыланады», - деді ресми өкіл.
1351 рет оқылды
