25 нау, 2022 сағат 23:39

Байденмен кездесуге шыққан Польша президентінің ұшағы апатты жағдайда қонды

Анджей Дуда. Фото ©REUTERS

АҚШ президенті Джо Байденмен кездесуге Жешув қаласына ұшып бара жатқан Польша президенті Анджей Дуданың ұшағы Варшаваға апатты жағдайда қонды, - деп хабарлайды Tengrinews.kz тілшісі РИА Новостиге сілтеме жасап.

"Бортында президент Дуда бар ұшақ апатты жағдайда қонды. Ұшақ Варшаваға оралды", - деді Польша президенті кеңсесінің басшысы Якуб Кумоч.

Кейінірек Дуда кеңсесі Польша мен АҚШ президенттерінің Жешувтегі бағдарламасы ұшақпен болған оқиғаға байланысты аздап өзгеретінін айтты.

Джо Байден мінген ұшақ Польшаның Подкарпат воеводствосындағы Жешув қаласындағы Ясенка аэродромына қонды. Мұнда ол Польша президенті Анджей Дудамен бірге Польшаға жаңадан жіберілген 82-ші әуе десанттық дивизиясының америкалық әскери қызметшілерімен кездеседі.

Байден сенбі күні Варшавада поляк әріптесімен ресми кездесу өткізеді. Онда ол патша сарайының ауласында сөз сөйлейді.