Фото: Уральская неделя
Батыс Қазақстан облысында тағы бір ұшқышсыз ұшу аппараты құлады, деп жазады Ult.kz «Уральская неделя» басылымына сілтеме жасап.
18 наурыз күні сағат 17:35-те Тасқала ауданының полиция бөліміне Атамекен ауылынан белгісіз нысан табылғаны туралы хабар түскен. Алдын ала болжам бойынша, бұл ұшқышсыз ұшу аппараты болуы мүмкін.
Нысанның ұзындығы 300 см-ге тең. Оқиға орнына Тасқала ауданының полиция қызметкерлері жіберілді.
Сонымен қатар, аппарат құлаған жерге Орал қаласынан полиция департаментінің саперлері барғаны хабарланды.
«Көршілес Ресейдің Саратов облысы аумағында украиналық ұшқышсыз аппараттар әскери әуежайлар мен жанармай сақтау орындарын жиі нысанаға алып, ауқымды қирандыларға себеп болуда», – делінген мәлімдемеде.
1500 рет оқылды
