Балғындардың бақытты жүзін көру – үлкен қуаныш

Ашық есік күні болашақ темір­­жолшы болғысы кел­ген бала­лар­ды теміржол маман­дығына баулу және мүмкіндігі шектеулі бала­лар мен мүмкіндігі шек­теулі теміржолшылардың балаларының арман тілектерін тыңдап қол­дау көрсету мақ­сатында ұйымдас­ты­рылды. 

Шараға көпбалалы және аз қамсыздандырылған отба­сылардың және өзі де, ата-анасы да мүмкіндігі шектеулі балалар қатысты.  

Шарада балғындар эко­номика­ның күре тамыры болып саналатын  Қызылорда те­міржолының та­рихымен та­нысып, содан кейін «Теміржол» партия филиалының төрағасы, об­лыс­тық мәслихат депутаты Аманкелді Арысбаевтың қабыл­дауында болды. 

«Бала – біздің болашағымыз. Олардың жарқын да  бақытты жүзін көру біз үшін  үлкен қуаныш. Сондықтан мүмкіндігі шектеулі балғындардың өмір сүру сапасын жақсарту мақсатында атқарылатын тірлік әлі де жетерлік. Бұл бағытта «Нұр Отан» партиясы «Бақытты балалық шақ», «Кедергісіз келешек» жобаларын тиімді жүзеге асырып келеді.  Оларға жасалатын әрбір көмек еш уақытта толастамайды» деді,  кездесу барысында  «Теміржол» партия филиалының   төрағасы,  облыстық  мәслихат депутаты А.Арысбаев.

Қабылдау барысында филиал төрағасы мүмкіндігі шектеулі балалар және олардың ата-ана­ларымен  ашық сөйлесіп, туындаған мәселелерін оңтайлы шешілуіне ықпал жасады.

Яғни Қызылорда электрмен жабдықтау дистанциясының электрмонтері, 7 баланың әкесі  Мералы Үмбетовтің  жұбайы бүгінде даун сырқатымен дүниеге келген баласымен үйде отырғандығын және  жалғыз жолдасының  табысы  балаларының ас-ауқатынан ауыспайтындығын айтып көмек сұраған ананың өтінішін орындап баласына қыстық киім-кешек ал­ып берді. 

Қаржылай көмек сұраған 6 баланың анасы жолаушылар ва­гондарын жөндеу мекемесінің жұмысшы Жанар Бижановаға  20 мың теңге көлемінде  қаржылай көмек көрсетті. 

Ашық есік күніне бұған дейін бірнеше рет көмек алған жол бөлімшесінің  аула сыпырушысы Талғат Нұржановтың 20 жасар ба­ласы Еркебұлан да келді. Ол  жа­қында отбасын құрыпты. «Бола­шаққа ұмтылыс ұялатып, мүм­кіндігі шектеулі жандардың мүд­десін көздеген «Нұр Отан» партия­сына шексіз ризамын. Маған қа­шанда қолдау көрсетіп, өмірге де­ген құштарлығымды арттырып, жі­герім­нің  жарқырай түсуіне дем бер­ді. Сондықтан мен бүгін арнайы алғы­сымды айтуға және қуанышты жаңалығыммен бөлісуге келдім»,  дейді ол.

Кездесу барысында Аманкелді Арысбаев Еркебұлан мен Сымбатқа   естелік  сыйлық  табыстап, бақыт тіледі. 

Ашық есік күні келген балалар мен олардың  ата-аналары  «Нұр Отан» партиясы ұжымына алғысын білдіріп,  жұмыстарына сәттілік тіледі. 

 Миуа БАЙНАЗАРОВА, Қызылорда қаласы