22 мам, 2023 сағат 13:37

Баланы қағып кеткен: Алматыда жол апаты видеоға түсіп қалды


Алматыда тұрғын үй кешені ауласында жылдамдықпен келе жатқан көлік баланы қағып кетті, - деп жазады Tengrinews.kz сайты.

Куәгерлердің айтуынша, оқиға Алма-сити-5 шағынауданында болған. Видео әлеуметтік желіде тарап кетті. Кадрларға қарағанда, жүргізуші алдымен жолдың қарсы бетінен жүгіріп шыққан баланы қағып, кейін ойын алаңына соғылған. Оқиға кезінде алаңда басқа балалар болмаған.

Алматы қалалық Полиция департаменті бұл жол-көлік оқиғасы 20 мамырда сағат 18:30 шамасында "Алма Сити" шағынауданында болғанын хабарлады.

Daewoo көлігінің жүргізушісі ауламен батыс бағытта келе жатып, 7 жастағы баланы қағып кеткен. Бала дене жарақаттарымен қалалық ауруханалардың біріне жеткізілген.

"ЖКО дерегін Наурызбай аудандық Полиция басқармасының қызметкерлері тергеп жатыр", - дейді Алматы қалалық ПД баспасөз қызметі өкілдері.

видео: TengriTV