Жолдауда Президент Қасым-Жомарт Тоқаев ел үшін де, халық үшін де маңызды саяси бастамалар ұсынған болатын. Атап айтсақ, президенттікке бір рет қана сайлана алуы мен 7 жылдық мерзімнің белгіленуі. Елінің жанашыр азаматы ретінде Мемлекет басшысының бастамаларын, идеяларын толықтай қолдаймын.
Өйткені 7 жылдық бірреттік президенттік – әлемде әлі аса кең таралмаған тәжірибе. Еліміз үшін бұл жаңа серпін береді. Себебі, президенттікке 7 жылға сайланған үміткер, билікке белгіленген мерзімде ғана жоба-жоспарларын, мақсаттарын жүзеге асыра алатынын жақсы біледі. Сол себепті де, саяси реформаларын толықтай орындалуын бақылайды. Оның үстіне, бір адамның қолында ұзақ, шексіз билік болмайды. Сонымен бірге, ауқымды бағдарламаны жүзеге асыру үшін 7 жыл жеткілікті деп есептеймін. Мұндай қадам – ел дамуының қарқынын арттыру үшін де маңызды. Елімнің қамын, жұртының әлеуетін жақсарту мақсатында істеліп жатқан игі бастамаларды халық та қолдайды деп ойлаймын.
Досымжан Таңатаров,
Қазақстанның Еңбек сіңірген әртісі, әнші
822 рет оқылды
