Атырау қаласында көпқабатты тұрғын үй өртенді, деп хабарлайды ҚазАқпарат.
Облыстық төтенше жағдайлар департаменті баспасөз қызметінің мәліметінше, өрт туралы хабар бүгін, 18 қазан күні сағат 16:16 шамасында түскен.
«Атырау қаласындағы С.Датов көшесінде орналасқан көпқабатты тұрғын үйдің шатыры өртенген. Жалын салдарынан 4 және 5-қабаттағы балкон жанған. Жергілікті уақытпен сағат 16:48-де толық жойылған өртті сөндіруге 9 арнайы техника, оның ішінде 2 автосаты тартылды», -деп хабарлады департаменттің баспасөз қызметі.
Тұрғын үйдегі өрттен зардап шеккендер мен қаза тапқандар жоқ.
918 рет оқылды
