Атырау қаласының тұрғындары төрт түліктің көше кезіп жүретіні туралы бірнеше рет шағымданған еді. Ал бүгін Іnstagram желісінде иесіз жүрген жылқының дәмхана әйнегін тепкілеп тұрғаны түсірілген видео тарады, - деп хабарлайды КТК телеарнасы.
Желі қолданушыларының пікіріне сүйенсек, бұл оқиға Жылыой ауданының орталығы – Құлсары қаласында болған. Ал, дәмхана моноқаланың 3-шағын ауданында орналасқан. Сол кезде дәмхананың жұмыс істегені, не жабық тұрғаны белгісіз.
Видеоға байланысты желі қолданушылары түрлі пікір білдіріп жатыр. Алайда шаһар көшелерін кезген жылқының иесі әлі табылмаған.
1077 рет оқылды
