Елордада Ұлы дала даңғылын су басты, - деп хабарлайды «Ұлт ақпарат» ТЖМ-ға сілтеме жасап.
Астанадағы полигонда жиналған қар еріп, Ұлы даңғылын су басты. Бүгінде онда ТЖД және жергілікті атқарушы органның күші жұмыс істеп жатыр.
Сондай-ақ су басқан жерде 110 өрт-сорғы станциясы және 7 мотопомпа жұмыс істеп жатыр. Еріген суды бұру жұмысы жүргізіліп жатыр.
Астана қаласында қардың қарқынды еруіне байланысты Ұлы Дала даңғылындағы қар шығаруға арналған полигонда жол төсеміне еріген судың түсуі және төгілуі орын алуда.
Аталған орынға ТЖД және жергілікті атқарушы органдардың күштері жұмылдырылды.
Айта кетейік, бүгінде су басқан өңірлерден 118 мың 116 адам, оның ішінде 44 241 бала құтқарылды.
113 852 бас мал қауіпсіз жерге айдалды. 19 656 адам үйлеріне оралды.
Сондай-ақ эвакуациялау пункттерінде 8850 адам, оның ішінде 3948 бала бар.
Сонымен қатар 4 274 тұрғын үй мен 2 719 ауладан су бұрылды.
Қазіргі таңда 10,3 млн м3 еріген қар суы сорылып, 3,3 млн қапшық пен 1,4 млн тонна инертті материал төселді.
810 рет оқылды
