Фото: ашық дереккөз
Астанада экс-мəслихат депутаты А.Беленцева мен Д.Мергенбаевқа қатысты аса ірі көлемдегі ұрлық фактісі бойынша сот үкімі шықты. Тергеуді Қаржылық мониторинг агенттігінің Астана қаласы бойынша департаменті жүргізді, деп хабарлайды Ult.kz.
Сот анықтағандай, 2020 жылы сотталғандар ТОО «Олимп Транс Сервис» атынан 23,2 млрд теңгеге Ерейментау ауданында жел электр станциясын салу туралы келісімшарт жасаған. Алайда, жалған құжаттар рәсімдеу арқылы олар қаражатты серіктес компаниялардың шоттарына аударып, кейін қолма-қол ақшаға айналдырған. Бұл әрекеттер 8,5 млрд теңге көлемінде залал келтірген.
Сот шешімімен 13 млрд теңгенің мүлкіне (зауыт, демалыс базасы, арнайы техника мен көліктер) тыйым салынды.
Үкім:
-
А.Беленцева — 8 жыл 6 айға бас бостандығынан айырылды.
-
Д.Мергенбаев — 6 жыл 8 айға бас бостандығынан айырылды.
Сонымен қатар, сот 8,5 млрд теңге көлеміндегі азаматтық талапты қанағаттандырып, оны орындау аяқталғанша мүлікке салынған тыйымды сақтап қалды.
Үкім заңды күшіне енген жоқ.
5623 рет оқылды
