Елордада екінші ауысым оқушылары онлайн форматта оқиды, деп хабарлайды "Ұлт ақпарат".
«12 қаңтар күні ауа райының қолайсыздығына байланысты (көру мүмкіндігінің нашарлауы) ІІ ауысымдағы 0-11 сынып оқушылары қашықтан оқуға көшіріледі», - делінген қалалық Білім басқармасының ақпаратында.
Еске салайық, «Қазгидромет» бірнеше өңірде ескерту жариялаған болатын. Осы уақытта қар, боран, жолдың көрінбеуі салдарынан 3 өңірде автожолдар ішінара жабылды.
Ақмола облысында:
- «Көкшетау-Рузаевка» 0-61 км аралығы, Көкшетау қаласы - Солтүстік Қазақстан облысының шекарасы учаскесі
- «Көкшетау-Омбы» 0-51 км аралығы, Көкшетау қаласы - Солтүстік Қазақстан облысының шекарасы учаскесі
- «Нұр-Сұлтан-Петропавл» 304-341 км аралығы, Көкшетау қаласы - Солтүстік Қазақстан облысының шекарасы учаскесі.
- «Макинск-Ақсу-Торғай» 0-240 км аралығы, Макинск ауылы - Торғай ауылы учаскесі.
Солтүстік Қазақстан облысында:
-барлық бағыттар бойынша.
Қостанай облысында:
- «Екатеринбург-Алматы» 686-729 км аралығы, Сарыкөл ауылы - Солтүстік Қазақстан облысының шекарасы учаскесі.
- «Мамлютка-Қостанай» 180-250 км аралығы, Солтүстік Қазақстан облысының шекарасы - Ұзынкөл ауылы учаскесі.
