Нұр-Сұлтанда Astana Opera театрына жарылғыш зат қойылды деген ақпараттан кейін адамдар эвакуацияланды, - деп хабарлайды Tengrinews.kz тілшісі.
Astana Opera баспасөз қызметі мәліметінше, бүгін сағат 11.45-те әкімшілікке қолдан жасалған жарылғыш құрылғы туралы ақпарат түскен.
"Барлық көрермен мен театр ұжымы ғимараттан эвакуацияланды. Қазіргі уақытта құқық қорғау органдарының қызметкерлері құрылғыға сараптама жүргізіп жатыр. Сараптама нәтижелері туралы қосымша хабарланады", - деді баспасөз қызметі өкілдері.
Айта кетейік, Афишаға сәйкес, 29 желтоқсан сағат күндізгі он екіде театрда балаларға арналған "Щелкунчик" спектакль-балеті басталуға тиіс еді.
936 рет оқылды
